مرايا – اعتبر الالاف الناشطين الاردنيين عبر مواقع التواصل الاجتماعي، أن نتائج التوجيهي التي اعلنتها وزارة التربية والتعليم، السبت “غير منطقية”.
يأتي ذلك بعد حصول 78 طالبة وطالبة على معدل 100% في الفرعين العلمي والأدبي، بالاضافة الى المئات من المعدلات المرتفعة.

هذا الأمر أثار جدلاً واسعاً عبر مواقع التواصل الاجتماعي في الأردن، إذ تساءل كثيرون عن تفاصيل الامتحانات التي تنتج مثل تلك المعدلات المرتفعة.

ووفق استطلاع تبين أن 83% رأوا بأن نتائج التوجيهي “غير منطقية”، بينما رأى 17% فقط أن النتائج منطقية.

Anton A. Sawalha قال في معرض تعليقها على النتائج، “مع المباركة اولا لجميع الذين حصلوا على معدل 100 لكن هذا هذي و اشبه بالخيال، مثلا العلمي الي جايب 100 ، هاذ مستحيل يكون نجيب محفوظ و تشارلز ديكينز و اويلر و فاراداي و مندلييف و المقريزي و مندل كله مع بعضه عامل كومبلكت، بس شو صار؟ اسئلة سهلة جدا و لا تراعي ابدا المستوى المتميز من الطلبة لدرجة انو احنا ما نعرف هالطالب بهاذ المعدل شاطر فعلا و لا. كل الي احتاجته هاي الدورة هو تخصيص 5% او 10% بالمئة من العلامات على الاسئلة الابداعية. لكن قدر الله و ما شاء فعل و الف مبروك لجميع الطلاب

بينما رأى Ja’afar Altarazi ان النتائج منطقية بقوله : “منطقي وذلك لان الاجابة اختيار من متعدد مما يحد من نسبة الخطأ ويخلص الطلاب من حالة الاجابة النموذجية ومن جهة اخرى زيادة اهتمام الطلاب في ظل اضراب المعلمين مما عكس عليهم تنتائج ايجابية وحفزهم للاهتمام اكثر بالدراسه والتمرين.
Layla Alsarayra قالت : ” لا مش منطقي ولا ع باله ونسبه نجاح قليل صح في معدلات بس نسبة نجاح قليله هاد نتيجه تعلم عن بعد وسكرتو مراكز لطلاب حسبي الله ونعم الوكيل”.

وقالت Fatima Abu Jadouo : ” مش منطقي …واصلا راحت السنه وهمي معطلين …غير التعليم الي عن بعد الي ماشاء الله عنه ….هاد السنه والي قبلها في غلط بلموضوع …صار نص الطلاب عباقره ..2019……2020 هدول مش مزبوطات”

ومن زاوية أخرى، قالت Hanan Ahmad Al-hour “المشكلة مش بالنتيجة …النتيجة منطقية بالنسبة للاسئلة ومستواها وطبيعتها …المشكلة بالسياسات التعليمية إلي خلت التعليم يرجع للوراء .. عشان يحققوا أهداف أخرى …الطالب ما اله ذنب إنما ذنب الي وضع الأسئلة وخاصة انه تربوي وبفهم بالقياس والتقويم والصدق والثبات والموضوعية للاختبارات “.
هديل محمد أسعد قالت إن “النتائج منطقية لانه ما في تعبير لا بالعربي ولا بالإنجليزي، منطق لأنه الخيارات ضع دائره فقط، منطق لأنه الطالب ما استعمل خط إيده وكتب وعبر لمن الاستاذ يصلح يعرف شو يحط العلامه”.

Amani Sultan ذكرت “مش منطقي كل هالاعداد تجيب 100 راحت هيبة التوجيهي وحتى الوزارة تثبتلنا خاوة انه التعليم عن بعد ناجح”.
Mahmoud Alawartani قال “والله بكل الاحوال ما حدا بقدر ينكر انه المنظومة التعليمية في الاردن فاشلة جدا زي باقي المجالات في البلد ، على كل حال مبارك لجميع الطلاب خليهم يفرحو ، بكرا رح ينصدمو بالحقيقة لما يتخرجو من الجامعة ويقعدو 15 سنة وهمة يدورو ع وظيفة طبعا الا الي عندو واسطة”

Fadi Jaradeh قال “يا اخوان منطقي جدا لانو الإجابات مم متعدد ولا يوجد اجابات تعبير سواء بالعربي او الانجليزية”.
وقالت Rasha Agloo “اللي جايب 100% مش منطق ابدا حتى الي جايب 99.9% هاد قصه تانيه لانه العلامات تخصم من ضع دائره يعني اذا عنده دائره غلط لازم يجيب معدل 99.7%

ومش معقول الماسح مصحح على اساس عنده نص دائره غلط؟؟؟!!!! وعد على هيك كثيييير”.

Malak Abdalrhman قالت : ” مش منطقي أبداً لأنه معقول العباقره ما كانو بدفعات السابقه وهلا صارو عباقره، ليش ما كنا نشوف هاي المعدلات زمان ? لو فاتح المنهاج قدامك وتنقل منه ما جبت 100″.

وقال Osama Bakir Abuslameh “وين المنطق بالموضوع الله يرحم ايام طوقان وسوال النمله ?? ولا اعطى علامه زياده لحدا”.