مرايا –

تحدثت الفنانة المصرية وفاء سالم عن أوجاعها التي بدأت منذ الطفولة، وقالت أنها كانت صغيرة تكره عالم الكبار، وتجلس تحت مائدة الطعام، وترفض أن يحتضنها أفراد عائلتها أو يقبلوها.

وأضافت، في فيديو نشرته على قناتها على موقع “اليوتيوب”: “كانوا بيعتبروني قطتهم السيامي اللي بيلعبوا بها، ويقعدوها على حجرهم، وينقلوها من حجر لحجر لحجر، ولما يحضنوني كانوا بيوجعوا جسمي النحيل”، لافتة إلى أنها كانت تحاول دفعهم بعيدا بسبب شعورها بالآلم وتقززها من رائحة السجائر، وتشعر بالحرج حين يسألونها إن كانت لا تحبهم.

وتابعت في تصريح صادم: “أكتر حاجة لسه فاكراها لغاية دلوقتي وكانت بتوجعني جدا وعملت جرح في قلبي، لما بعض الأغراب والقرايب كانوا بيقعدوني على حجرهم وينتهكوا طفولتي البريئة بقسوة ووقاحة”.

وأكملت: “في الأول ماكنتش بفهم وكنت بتكسف أتكلم، كل ده شريط بيمر ويلف في دماغي عمري ما نسيته، ولما كبرت كنت بحس الطفلة اللي في دماغي لسه موجودة وقاعدة جوايا”.

وأكدت أن تعرضها للتحرش والانتهاك الجسدي استمر بعدما كبرت، وقالت: “كان بيحصل معايا حاجات شبه كده لغاية وقت قريب، بيدخلوا لي من مداخل أنتي فتاة أحلامنا، أنتي اللي كلك أنوثة وجمال ومحصلتيش، كل ده كان مدخل عشان يوصلوا لحاجة أنا مش عارفة أنطقها، أكيد فهمتوا”.

وأردفت: “لسه لغاية وقت قريب، كان بيتقال لي أنا خالتي كانت ساكنة فوقكم وكنت باجي أبص عليكي من بعيد عشان أنا كنت معجب وخفت أكلمك، وده كمان حاجة أنتوا عارفينها”.

واختتمت كلامها، بقولها: “ده كان وجع كبير جوايا، من ضمن الأسباب اللي أنا قلت هحكي لكم لما سألتوني إنتي مشيتي ليه، ولسه في حكاوي هتسمعوها يوم السبت الجاي”.