مرايا –

حلت الفنانة ياسمين صبري ضيفة على الفنانة إسعاد يونس في برنامج “صاحبة السعادة” المذاع عبر قناة dmc، وتطرق الحوار إلى العديد من جوانب حياتها الشخصية والفنية.

قامت الفنانة إسعاد يونس باختبار الفنانة ياسمين صبري وطرحت عليها أكثر من سؤال يندرج تحت مسمى أسئلة الذكاء والألغاز، وفشلت ياسمين في الإجابة على معظمها.

وجهت إسعاد سؤالا لياسمين: أخ عمره 4 سنين وأخته نص عمره، لما يبقى عمره 100 سنة أخته هيكون عندها كام سنة؟، وردت ياسمين 50 سنة، 20 سنة.

السؤال الثاني أجابت عليه ياسمين وهو: “حاجة بناكل منها على طول وهو مش بيتاكل؟، وقالت “الطبق”، وسألتها إسعاد: أم أحمد عندها 4 عيال شمال وشرق وغرب، ما هو اسم ابنها الرابع، لتجيب: جنوب وأعادت عليها السؤال أكثر من مرة دون أن تصل للإجابة، وهي “أحمد”.

ونجحت في الإجابة على سؤال: “ابن عمتي يقوله يا خالي، يبقى هو مين؟” لترد: أبويا، مؤكدة انها تجيب بالصدفة ولا تعلم إذا كانت إجابة صحيحة أم لا، وفشلت في الرد على سؤال “عيلة فيها ست بنات وأخ واحد لكل واحدة فيهم، عددهم كام؟”، والإجابة: سبعة، ولم تعرف أيضا إجابة سؤال: “لو انتي في سبق وعديتي صاحب المركز التاني هتبقي في المركز الكام”، والإجابة: الثاني.

وأجابت ياسمين على سؤال: “خمس بنات إخوات في أوضة واحدة بتطبخ وبتروق، واحدة بتلعب شطرنج، وواحدة بتغسل، الأخيرة بتعمل إيه”، والإجابة التي عرفتها ياسمين: تلعب شطرنج مع شقيقتها.

أوضحت ياسمين صبري أن رحلتها لاكتشاف ذاتها لم تتوقف، وهي سبب الرحلات التي تقوم بها إلى أماكن تتيح لها تعلم المزيد من أسرار الطاقة والروحانيات، واعتبرت أن كونها مادة للشائعات من مظاهر حياة المشاهير، ونستعرض في السطور التالية أبرز تصريحاتها في البرنامج.

– أنا إنسانة واقعية، ولما أتفرج على أعمالي بعرف لو العمل ضعيف أو مافيهوش إبداع

– لو عشت وهم إني تريند مش هتطور

وواصلت: “نفسي الناس تبطل تهتم بالتريندات ويعرفوا إن فيه حاجات وأماكن جميلة العالم، وبلاش نتعلق بأي شيء مادي لأن مفيش ولا جمال ولا سلطة ونفوذ دايمين”.

– محمود عبد العزيز نصحني أخلي بالي من الدايرة اللي حواليا، لإنها ممكن توقعني

– قابلت راهب بوذي زاهد في الدنيا، وعلمني إن البشرية تعاني من الجهل والتعلق بالأشياء

– الأخلاق هي أساس كل شيء جيد في الحياة

أكدت أن أكثر شيء أسعدها في حياتها هو ابتعادها عن أصدقاء السوء

وأكدت أنها تعرضت للاكتئاب بعد سقوطها في مادة الرياضيات خلال الثانوية العامة، حيث قالت: “أصبت باكتئاب في الثانوية العامة بعد ما جبت ملحق في مادة الرياضيات، وزعلت جداً وكنت بصحى من النوم بقول أنا ليه صحيت على الواقع اللي أنا فيه ده برغم إني باردة في الطبيعي”.

وأضافت: “حسيت إن كل الناس بتعيط علشان اللي جاب 92% وأنا جبت ملحق، وخبيت على أهلي وقولتلهم إني نجحت. كنت وقتها بلعب سباحة وكان بيجيلي فلوس منها، فروحت أخدت دروس وامتحنت لحد أما نجحت من غير أهلي ما يعرفوا”.

– في مشاهد كنت أشوفها لنفسي أقول يا نهار أسود

– كنت رائعة وعلى طبيعتي في مسلسل “طريقي”

– إتعلمت بدري إن الإشاعات جزء من الشهرة

– طريقة تعاملي مع الإشاعات إني معملش أي رد فعل

وقالت: “الشائعات متعودة عليها من بدري وتعاملي معاها إن مش بيكون فيه رد فعل عندي، وعمري ما دورت إزاي أكون شاغلة الناس عشان التريند، لأ دي بتبقى حاجة ربانية من عند ربنا اهتمام الناس بدون أي ذرة كره أو عنف وده اللي خلّى عمري أطول”.

وتطرقت ياسمين للحديث عن أمنيتها في إنشاء “براند” للمكياج جديد يحمل اسمها، قائلةً: “نفسي أعمل براند ميكآب من زمان وأحط فيه كل مشاكلي، لأني حصلي مشاكل كتير بسبب الميكآب لإني بقف قدام الكاميرا دايماً”.

قالت: “بتفرج على كل أعمالي وبكون عارفة إيه الغلط وإيه اللي اتكروت وإيه اللي اتعمل بشكل خطأ، وأنا صريحة مع نفسي ومش بنحاز لي”.

– عندي اكتفاء جوايا ومش بدور إزاي أشغل الناس

– الأطفال جمال جدا، ولازم لما الإنسان يقرر يجيب أطفال يكون مهيأ نفسيا وبيته مهيأ نفسيا للطفل

وردت على سؤال “عايزة حد يقوللك يا ماما؟” بقولها: “خليها مفاجأة، دي حاجة مقدرش أتكلم فيها”.

– السعادة حبيب وعيلة وأنا مش وحيدة

– الحب جميل لما يكون من الشخص الصح

وردًا على سؤال: هل تعانين من الوحدة في حياتك؟ قالت: “أنا شخصية منغلقة، ومش بتكلم عن أموري الشخصية، لكن مش وحيدة”.